Աղետի գոտում համաճարակ կարող է սկսվել

Շրջակա միջավայրի և ենթակառուցվածքների նախարար Գնել Սանոսյանը հայտարարել է Տավուշի և Լոռու մարզերում ջրհեղեղի հետևանքների ու վնասների գնահատման և վերացման հանրապետական, տարածքային և համայնքային հանձնաժողովների ստեղծման մասին։ Նրա խոսքով վնասների ծավալները զգալի կլինեն։ Ամենամեծ վնասը հասցվել է Ալավերդի քաղաքին և Քարկոփ գյուղին։

Բացի այդ աղետի գոտում անհանգստություն է առաջացնում համաճարակային իրավիճակը, քանի որ հավաքված տիղմի մեջ վնասակար նյութեր կարող են լինել։ Վարակի աղբյուր կարող են հանդիսանալ նաև սատկած կենդանիների մարմինները։ Դրա հետ կապված սատկած կենդանիներին թաղում են հատուկ հատկացված տարածքներում։