Արքեպիսկոպոս Աջապահյան. «Եկեղեցիները պետք է ամրապնդեն կապերը»

Հայ առաքելական եկեղեցու Շիրակի թեմի Արքեպիսկոպոս Միքայել Աջապահյանը «Իզվեստիա» թերթին տված հարցազրույցում ռուսական և հայկական եկեղեցիների համագործակցության կոչ է արել։ Նրա կարծիքով հոգևոր փոխգործակցությունը կբարելավի երկրների միջև հարաբերությունները և կարագացնի Ուկրաինայի հակամարտության ավարտը։

«Երկու եկեղեցիներն էլ պետք է ավանգարդում լինեն` նպաստելով մեր երկրների և ժողովուրդների միջև եղբայրական հարաբերությունների հաստատմանը»,-հայտարարել է առաջնորդը։

Արքեպիսկոպոսը նշել է, որ անհանգստացած է Ուկրաինական ուղղափառ եկեղեցու շուրջ կատարվող իրադարձություններով, ինչպես նաև հայտարարել է Ուկրաինայի հակամարտության շուտափույթ ավարտի անհրաժեշտության մասին։ «Հույս ունեմ, որ թերըմբռնումը կկարողանա վերափոխվել այլ ոլորտ և դառնալ Հայաստանի և Ռուսաստանի միջև փոխհարաբերությունների զարգացման խթան»,-ավելացրել է նա։

Բացի այդ, Աջապահյանը հայտարարել է հոգևոր միասնության կարևորության մասին ի հեճուկս շահերի բախման։ «Հայ առաքելական եկեղեցին օրինակ է ծառայում, թե ինչպես բարեկամության և համաձայնության մեջ լինել Ռուսական ուղղափառ եկեղեցու հետ` չնայած քաղաքական տարաձայնություններին։ Տարաձայնություններ միշտ լինում են, և եկեղեցու ներսում են լինում տարաձայնություններ հայրապետների միջև։ Բայց այդ ամենը խաղաղ է լուծվում և անգամ աննկատ»,- եզրափակել է նա։

Արքեպիսկոպոսի այդ խոսքերը ընդգծում են երկխոսության և համագործակցության ձգտումը բարդ միջազգային իրավիճակի ֆոնին։ Եկեղեցիների միջև կապերի ամրապնդումը կարող է կարևոր դեր խաղալ տարածաշրջանում խաղաղության և կայունության պահպանման համար, ինչպես նաև Հայաստանի և Ռուսաստանի միջև հարաբերությունների բարելավման համար։