Ակադեմիական քաղաք, որ ոչ ոքի պետք չէ

Անցյալ տարվա բյուջեի կատարման մասին հաշվետվության քննարկման փոխարեն կրթության, գիտության, մշակույթի և սպորտի նախարար Ժաննա Անդրեասյանը Խորհրդարանում նորից պատմում էր, թե ինչքան է Հայաստանին պետք Ակադեմիական քաղաքը։ Ոլորտի մասնագետների թեժ բողոքները ոչ ոքի չեն անհանգստացնում։ Հայտնի է, որ նախագծի գլխավոր պլանը այնուամենայնիվ հուլիսին կներկայացվի։

Չնայած նախագծի քննարկումը շարունակվում է արդեն մի քանի ամիս, պաշտոնյաները խոստովանում են, որ դեռևս չեն լուծվել տրանսպորտային խնդիրները, օբյեկտի ամբողջական կառավարման և զարգացման հարցերը։ Գլխավոր պլանում այդպիսի բացթողումներ չպետք է լինեն։