Արցախցիների համար սկսել է գործել նոր հարթակ

“Հասարակական կապերի և տեղեկատվության Կենտրոն” պետական ոչ առևտրային կազմակերպությունը Արցախից բռնի տեղահանվածների համար գործարկել է bnakavayr.am հարթակը։ Այնտեղ ներկայացված է մանրամասն տեղեկատվություն Արցախի ընտանիքներին բնակավայրով ապահովելու պետական աջակցության ծրագրի մասին։

Ինտերակտիվ քարտեզի վրա կարելի է տեսնել 390 բնակավայր, որտեղ առավել մեծ աջակցություն է իրականացվում տան կամ բնակարանի կառուցման կամ գնման համար։ Նաև կայքում համայնքների ենթակառուցվածքների, կրթական և մշակութային հաստատությունների, տնտեսական և գյուղատնտեսական ռեսուրսների մասին տեղեկատվություն կա։