Արցախցիները Հայաստանի քաղաքացիություն չեն ուզում

Հայաստանի ՆԳՆ Միգրացիոն ծառայությունում փորձում են բացատրություն գտնել, թե ինչու են շատ արցախցիներ հրաժարվում հայկական անձնագրեր ստանալ։ Իշխանությունները հղում են անում բռնի տեղահանվածների շրջանում տարածված միֆերի։ Դրանց շարքում են բարեկեցիկ երկրներում փախստականի կարգավիճակ ստանալու հույսերը։

Նախարարությունում նաև հայտարարել են, որ 2024 թվականի սեպտեմբերի 27-ի դրությամբ Հայաստանի քաղաքացիություն են ստացել Արցախից բռնի տեղահանված 3226 քաղաքացի։ Եվս 1692 մարդ սպասում են որոշման։