Արևմտյան Նեղոսի տենդը նահանջում է

Հայաստանի առողջապահության նախարարության Հիվանդությունների վերահսկողության և պրոֆիլակտիկայի ազգային կենտրոնում հայտնել են, որ անցյալ շաբաթ Արևմտյան Նեղոսի տենդի վարակման ընդամենը 4 նոր դեպք է գրանցվել նախորդ շաբաթվա 20 դեպքի դիմաց։ Մասնագետները հույս ունեն, որ հիվանդության տարածումը կնահանջի։

Ընդհանուր առմամբ Հայաստանում սեպտեմբերի 20-ի տվյալներով Արևմտյան Նեղոսի տենդով հիվանդացել է 132 մարդ, որոնցից չորսը մահացել են։