“Ազնավուր” գերհամակարգչից կարելի է անվճար օգտվել

Գիտահետազոտական ինստիտուտները, ուսումնական հաստատությունները, տեխնոլոգիական ընկերությունները և բարձր արտադրողական հաշվարկների ու հսկայական տվյալների վերլուծության հետ աշխատող կազմակերպությունները կարող են 2024 թվականի ընթացքում Ինժեներական քաղաքում անվճար օգտվել “Ազնավուր” գերհամակարգչից։

Այդպիսի նախաձեռնության հեղինակներն են Հայաստանի բարձր տեխնոլոգիական արդյունաբերության նախարարությունը, Գիտությունների ազգային ակադեմիայի ինֆորմատիկայի և ավտոմատացման խնդիրների Ինստիտուտը և “Ձեռնարկությունների ինկուբատոր” հիմնադրամը։ “Ազնավուր” գերհամակարգիչը ունի 24 480 միջուկ, 39 ՏԲ օպերատիվ հիշողություն և 1,5 ՊԲ հիշողություն։