Բացվել է սահմանափակ կարողություններով երեխաների ճամբար

Ստեփանավանում չորրորդ տարին անընդմեջ բացվում է Հայաստանում միակ ներառական ճամբարը 150 սահմանափակ կարողությունների տեր և սոցիալական աջակցության կարիք ունեցող երեխաների և նրանց ծնողների համար։ 7 օր տևող 3 հերթափոխի ժամանակ երեխաների համար անցկացվում են տարբեր սպորտային առողջարար ծրագրեր և արտ թերապիա։

Ճամբարի կազմակերպմամբ զբաղվում է Երևանի քաղաքապետարանը “Լիարժեք կյանք” հասարակական կազմակերպության հետ համատեղ։ Այս ընթացքում ծրագրին մասնակցել է մոտ 600 մարդ։