Բացվում է «Մայր աստվածություն. Անահիտից Մարիամ» ցուցահանդեսը

Այսօր Հայաստանի պատմության թանգարանում այցելուների համար բացվում է «Մայր աստվածություն. Անահիտից Մարիամ» ցուցահանդեսը, որի մասին վերջին ժամանակներս շատ էր խոսվում։ Այդ միջազգային իրադարձության մարգարիտը կդառնա Սատաղղիում գտնված Անահիտ աստվածուհու հայտնի բրոնզե արձանից պահպանված գլուխը ու ձեռքը։

Մ.թ.ա. 4-2-րդ դարերի հազվագյուտ ցուցանմուշները Երևան են եկել այս շաբաթ։ Հայտնի է, որ ցուցահանդեսի համար Հայաստանի Կառավարությունը հատկացրել է 15,7 մլն դրամ։