Բերդավանում զարգանում է մշակութային կյանքը

“Հաղորդակցության զարգացման միջազգային ինստիտուտ” հիմնադրամի և “Բերդավան” բարեգործական հիմնադրամի աջակցությամբ Հայաստանի Տավուշի մարզի Բերդավան համայնքում բացվել է “Տա ուժ, Տա հույս, Տա լույս” երիտասարդական մշակութային կենտրոնը։ Համանուն ծրագրի շրջանակներում գյուղում նաև նախատեսվում է բացել ոչ մեծ կինոթատրոն, թատրոն և տարբեր լեզուներով գրքերի գրադարան։

“Տա ուժ, Տա հույս, Տա լույս” երիտասարդական ծրագիրը կտևի վեց ամիս։ Սեպտեմբերին Բերդավանում նախատեսվում է կազմակերպել երիտասարդական փառատոն կենտրոնի անդամների և այցելուների, ինչպես նաև տեղի երիտասարդության համար։