Դոմինգոն հանդես կգա Երևանում

Հայաստանի Ազգային ֆիլհարմոնիկ նվագախմբում հայտարարել են, որ աշխարհում ամենահայտնի իսպանացի լիրիկադրամատիկական տենոր և դիրիժոր Պլասիդո Դոմինգոն նվագախմբի հետ համերգ կունենա Երևանում։ Երկար սպասված ելույթը նախատեսված է հոկտեմբերի 6-ին։ Կազմակերպիչները այդ օրը բացառիկ իրադարձություն են համարում։

Ինչպես հայտնել է Էդուարդ Թոփչյանը, համաշխարհային ճանաչում ունեցող օպերային երգիչ Պլասիդո Դոմինգոն ելույթ կունենա Հայաստանի Ազգային ֆիլհարմոնիկ նվագախմբի հետ։ Նոր շրջանը նվագախումբը կբացի սեպտեմբերի 12-ին Երևանյան միջազգային փառատոնով։