Երևանում գաստրոնոմիական օրեր են

Մինչև շաբաթվա վերջ Երևանի կենտրոնում տեղի կունենա Yerevan Gastronomic Days-ը։ Ամեն օր փառատոնի հյուրերին սպասում են տարբեր լեզուներով մի քանի գաստրոշոու հայ և արտասահմանյան խոհարարների, արվեստաբանների և այլ մասնագետների մասնակցությամբ։ Միջոցառումը անցկացվում է Մոսկովյան-Բաղրամյան փողոցների խաչմերուկում լուսադիոդային էկրանով երկու բեմերում և այլ ժամանակակից սարքավորումներով։

Շոուին ելույթ կունենան հաղորդավար և բլոգեր Հերմինե Ստեփանյանը, խոհարար և բլոգեր Շաղիկ Տեր-Վարդանյանը, բլոգերներ Կարինե Վարդանյանը, Սոնյա Ավագյանը, Շահան և Մելիս Թերզիբաշյանները, Զարմիգ Հալլաջյանը և այլ մասնագետներ։ Նաև տեղի կունենա էկոապրանքներ արտադրող MOV ռեստորանի և հայկական ՄՍԲ-ի շոուն։