Երևանում հայտնաբերվել են հնագույն դամբարաններ

Կարմիր բլուրի տարածքում հայտնաբերվել են վաղ երկաթե դարի 2 դամբարան։ Զարմանալի գտածոն հայտնաբերվել է «Էրեբունի» պատմահնագիտական արգելոց-թանգարանի և Պետական Էրմիտաժի համատեղ գիտարշավի շրջանակներում։ Գիտնականները պատրաստվում են հանել տապանաքարը թաղման սրահը ուսումնասիրելու համար։

Համատեղ ռուս-հայկական գիտարշավի գիտնականներին սպասվում է քրտնաջան աշխատանք շատ հետաքրքիր գտածոների ուսումնասիրման հետ կապված։ Նախնական տվյալներով դամբարանները թվագրվում են մ.թ.ա. 12-9-րդ դարերով։