Fly Arna-ի նոր խնդիրները

“Ազգային ավիափոխադրող Fly Arna” ձախողված նախագիծը շարունակում է ստեղծել նորանոր խնդիրներ։ Բացի խաբված ուղևորներից և աշխատակիցներից, հայտնի է դարձել նաև Air Arabia ավիաընկերության կողմից պատրաստվող հայցի մասին, որին պատկանում է հայկական ավիափոխադրող ընկերության բաժնետոմսերի 49%-ը։

Fly Arna նախագծի ձախողումը վերջերս խոստովանել է նաև Հայաստանի Կառավարությունը։ Ավիաընկերությունը ստեղծվել է 2021 թվականին, բայց արդեն անցյալ տարի դադարեցրել է չվերթները։