Գլոբալ տաքացումը ազդում է Հայաստանի եղանակի վրա

Օդերևութաբանների տվյալների համաձայն 1929-ից մինչև 2020 թվականներին կլիմայի փոփոխությունների հետ կապված Հայաստանում միջին տարեկան ջերմաստիճանը բարձրացել է 1,5 աստիճանով։ Իսկ տեղումների միջին տարեկան քանակը 1935-ից 2023 թվականներին կրճատվել է 9%-ով։ Այդպիսի փոփոխությունները բացասաբար են ազդում երկրի բնական կենսաբազմազանության վրա։

Գիտնականների տվյալներով շրջակա միջավայրի պահպանության հարցերով չզբաղվելու դեպքում, 2100 թվականին Հայաստանում միջին տարեկան ջերմաստիճանը կարող է բարձրանալ 3,7-4,8 աստիճանով։ Ընդորում, էկոլոգիայի համար անդառնալի հետևանքներ կարող է ունենալ նաև 2-ից ավել աստիճանով ջերմաստիճանի բարձրացումը։