Հանելուկային պատմություն ավելների հետ

Համայնքային “Երևանի աղբահանություն և սանիտարական մաքրում” ձեռնարկությունը դատարանի միջոցով անհատ ձեռներեց Արթուր Անանյանից պահանջում է վերադարձնել 60 000 ավել։ Ավելները Անանյանին պահպանման են հանձնվել 2023 թվականի հոկտեմբերի 7-ին, որովհետև ձեռնարկությունը սեփական պահեստ չունի։ Արթուր Անանյանի խոսքով ինքը վերադարձրել է ավելները, և դրանցով արդեն ավլում են փողոցները։

Անանյանի ընկերությունը համայնքային ձեռնարկության գույքի պահպանման մրցույթում հաղթել է 2019 թվականին` ձեռնարկության հիմնադրումից անմիջապես հետո։ Անանյանը հայտնել է, որ ձեռնարկության նկատմամբ 4 հայց է ներկայացվել, քանի որ դրա նոր տնօրեն Սաշա Կատվալյանը որոշել է միակողմանի կերպով չեղարկել պայմանագիրը “իր գործերը կցմցելու համար”։