Հատվել են Ազնավուրի և Քոչարի պատկերով հուշադրամներ

Հայաստանի Կենտրոնական բանկի պաշտոնական ներկայացուցիչները կիսվել են վերջերս շրջանառության մեջ դրված արծաթե հուշադրամների պատկերներով։ Դրանցից մեկի վրա պատկերված է լեգենդար շանսոնիե Շառլ Ազնավուրը, իսկ մյուսի վրա ԽՍՀՄ ժողովրդական նկարիչ և հայկական ավանգարդի վառ ներկայացուցիչ Երվանդ Քոչարն է։

Երկու հուշադրամներն էլ մշակվել և հատվել են հոբելյանական տարեթվերի հետ կապված։ Այս տարի աշխարհը նշում է Շառլ Ազնավուրի 100-ամյակը և Վարդան Մամիկոնյանի ու Դավիթ Սասունցու հուշարձանների հեղինակ Երվանդ Քոչարի 125-ամյակը։