Հայ դպրոցականները նորից մեդալներ են նվաճել

Հայաստանի կրթության, գիտության, մշակույթի և սպորտի նախարարությունում հայտնել են միջազգային մրցույթներում դպրոցականների նոր հաջողությունների մասին։ Ինֆորմատիկայի միջազգային օլիմպիադայում երկու բրոնզե մեդալ են նվաճել Շահինյանի անվան Հատուկ Ֆիզմաթ դպրոցի աշակերտներ Տիգրան Մացակյանը և Գյումրու «Ֆոտոն» վարժարանի աշակերտ Արման Կիրակոսյանը։

Ինֆորմատիկայի միջազգային օլիմպիադան տեղի է ունեցել մոլդովական Քիշնևում։ Մասնակցել են 26 երկրների 98 դպրոցականներ։