Հայաստանում ստուգել են գազի և բենզինի լցակայանները

Հայաստանի քաղաքաշինության, տեխնիկական և հրդեհային անվտանգության տեսչական մարմնի աշխատակիցները հրդեհատեխնիկական ստուգումներ են անցկացրել մարզերի գազի և բենզինի լցակայաններում։ Արդյունքում մի քանի օբյեկտներում խախտումներ են հայտնաբերվել, գազի և բենզինի մի քանի լցակայան ապամոնտաժվել է։

Նորմատիվ-տեխնիկական փաստաթղթերի խախտումներ են գրանցվել Գեղարքունիքի մարզի Սևան քաղաքի գազի լցակայանում, Կոտայքի մարզի Զովունու և Լոռու մարզի Սպիտակ քաղաքի գազի ինքնասպասարկման ճնշակայանում։ Դրանց գործունեությունը դադարեցվել է։