Հղիությունը անակնկալ է դարձել

Երևանում 47-ամյա կինը, որը 25 տարի բուժվել է անպտղությունից, աղջիկ է ունեցել։ Ընդորում, հղիության մասին նա իմացել է միայն ծննդաբերությունից առաջ։ Կեսարյան հատման արդյունքում լույս աշխարհ եկած աղջկա մոտ ախտորոշվել է աղեստամոքսային համակարգի ծանր ի ծնե արատ։ Նրան վիրահատել են և առողջանալուց հետո դուրս են գրել։

Բժիշկների խոսքով, նորածնին կոսմետիկ կարեր են դրվել, հետագայում հիվանդության հետքեր չեն մնա։ Սակայն, սկզբնական շրջանում նա կլինի բժիշկների հսկողության տակ։ Ծնողները աղջկան Լուսե — լուսավոր են անվանել, քանի որ նա իրենց ընտանիք լույս է բերել։