Ի՞նչ անել թափառող շների հետ

Տարածքային կառավարման և ենթակառուցվածքների նախարար Գնել Սանոսյանը հայտարարել է, որ երկրում դեռևս լուծված չէ թափառող շների հարցը։ Այս պահին նախարարությունը Երևանի քաղաքապետարանի փորձի հիման վրա համայնքապետարանների համար մշակել է գործողությունների ծրագիր։ Դրանցից մոտ 40-ը արդեն համապատասխան կազմակերպությունների հետ պայմանագրեր են ստորագրել շների ստերջացման համար։

Սակայն մի շարք համայնքներում ստերջացմամբ զբաղվող կազմակերպությունների բացակայության պատճառով ոչ ոք մրցույթի հայտ չի ներկայացրել։ “Քաղաքացիական պայմանագիր” կուսակցության պատգամավոր Արսեն Թորոսյանը նշել է, որ այդ հարցը պետք է լուծել հանրապետական մակարդակով, քանի որ շները հեշտությամբ կարող են տեղաշարժվել մի քաղաքից մյուսը։