Ջրի հետ զգու՜յշ եղեք

Հայաստանի առողջապահության նախարարությունը ջրհեղեղից տուժած բնակավայրերի բնակիչներին կոչ է անում ուշադիր հետևել օգտագործվող ջրի որակին վարակիչ հիվանդությունների, այդ թվում աղիքային վարակների նախազգուշացման նպատակով։ Խմելու և կենցաղային նպատակներով չի կարելի օգտագործել անգամ եռացրած ջուրը, եթե փոխվել է դրա հոտը և այն պղտորվել է։

Այժմ Առողջապահության նախարարության հիվանդությունների վերահսկողության և պրոֆիլակտիկայի ազգային կենտրոնը տեղի համայնքային պատասխանատուների հետ խմելու ջրի որակի մոնիտորինգ է իրականացնում և բնակչությանը տեղեկացնում է խմելու ջրի որակի մասին։