Մայրաքաղաքի մանկապարտեզներում տեսահսկում կհայտնվի

Երևանի քաղաքապետարանը հայտարարել է, որ համայնքային մանկապարտեզներում երեխաների պաշտպանության և նախադպրոցական հաստատությունների գործունեության վերահսկման նպատակով տեսախցիկներ կտեղադրվեն։ Առաջին փուլում մոտ 2000 տեսախցիկ կտեղադրվի արդեն վերանորոգված 50 մանկապարտեզում։ Հետագայում նախատեսվում է բոլոր 162 հաստատությունները տեսախցիկներով ապահովել։

Տեսախցիկների առցանց ռեժիմը հասանելի կլինի միայն պատասխանատու անձանց, ծնողներին` ոչ։ Դրա հետ մեկտեղ կապահովվի անձնական տվյալների պաշտպանությունը։
Մանկապարտեզներում տեսահսկման հարցը բարձրացվեց սոցցանցերում աղմուկ հանած տեսանյութից հետո, որտեղ դաստիրակչուհին ծեծում էր երեխային Արարատի մարզի Փոքր Վեդի գյուղում։