Մայրաքաղաքի տրանսպորտում ուղեվարձի վճարման միասնական համակարգը կներդրվի ավելի ուշ

Երևանի քաղաքապետարանում հայտնել են, որ հասարակական տրանսպորտում ուղեվարձի վճարման միասնական համակարգը կներդրվի հայտարարված ժամկետից ուշ։ Ավագանու խորհրդի որոշման համաձայն համակարգը ցանկանում էին ներդնել 2024 թվականի սեպտեմբերի 1-ից, սակայն քաղաքապետարանը հետաձգել է մեկնարկը հոկտեմբերի վերջ նոյեմբերի սկիզբ, երբ 171 նոր ավտոբուսները Երևանում կլինեն և պարկը կհամալրվի։

Նշվում է, որ հասարակական տրանսպորտի սակագները սեպտեմբերի 1-ին չեն փոխվի։
Տրանսպորտի ուղեվարձի վճարման միասնական համակարգը իր մեջ ներառում է էլեկտրոնային տոմսեր և տարբեր սակագնային պլաններով քարտեր։