Մայրաքաղաքում դրական փոփոխություններ են սպասվում

Մայրաքաղաքի քաղաքապետարանը հայտնել է, որ Երևանի 28 փողոցներում վերգետնյա մետաղամալուխները կտեղափոխվեն գետնի տակ։ Դրա համար պետք է փորել մոտ 80 կմ փոսեր։ Մինչև տարվա վերջ նախատեսվում է այդ նախագիծը իրականացնել Վարդանանց, Խորենացի, Մյասնիկյան, Աճառյան, Թումանյան, Տիգրան Մեծ, Մելիք-Ադամյան, Արգիշտի և Հանրապետության փողոցներում ու պողոտաներում։

Նաև նշվում է, որ Հրազդան գետում աղբի դեմ պայքարի համար տեղադրվել են հատուկ սարքեր դրա որսման համար, իսկ Գետառի վրա կկառուցվի ջրամաքրման կայան։ Այժմ իրականացվում է անհրաժեշտ սարքերի մատակարարում։