Նիկոլի «կռուտիտները» կարող են մեզ վրա թանկ նստել

Օգոստոսի 31-ին Հայաստանի վարչապետ Նիկոլ Փաշինյանը անցկացրել է մամուլի ասուլիս, որի ժամանակ հերթական անգամ ցույց է տվել փաստերը աղավաղելու և խնդիրները ուրիշի վզին փաթաթելու իր կարողությունը։

Արցախի անկախության օրվան ընդառաջ՝ Նիկոլը մեծ ուշադրություն դարձրեց այդ բազմաչարչար հողի հարցին, մասնավորապես դրա բնակիչների հայրենիք վերադարձին։ Վարչապետը այդ հարցը անիրական և Հայաստանի Հանրապետության պետական շահերին հակասող է համարում։ Ստացվում է, միջազգային կառույցները կոչ են անում արցախցի փախստականներին վերադառնալ, և նշանակում է դա հնարավոր են համարում։ Դրա հետ մեկտեղ, Նիկոլին՝ մարդու, ով պետք է պաշտպանի իր ժողովրդին, այդ թվում արցախցիներին, դա անիրական է թվում։ Իմիջիայլոց, Արցախի բնակիչները ժամանակին վստահել էին նրան, երբ Փաշինյանը Ստեփանակերտում հանրահավաքի ժամանակ գոռում էր «Արցախը Հայաստանն է և վե՜րջ»։

Եթե հիշենք Նիկոլի խոսքերը, կպարզվի, որ նա չէ Արցախը Ադրբեջանին հանձնել։ «Ես Լեռնային Ղարաբաղի ապակազմավորման որոշում չեմ ստորագրել։ Մինչև այդ փաստաթղթի ստորագրումը Լեռնային Ղարաբաղում տեղի ունեցավ հեղաշրջում, որը Հայաստանում ձեզ հայտնի շրջանակներում ողջունում էին»,- հայտարարել է Փաշինյանը մամուլի ասուլիսի ժամանակ։

Հետևեք ձեռքերին։

Փաշինյանը մեղավոր չէ այն բանում, որ կազմակերպել է «Պրահայի դավադրությունը». հղում անելով 1991 թվականի Ալմա-Աթայի Հռչակագրին՝ նա ընդունեց Ադրբեջանի տարածքային ամբողջականությունը ամբողջ Արցախի հետ միասին։ Ընդորում, Նիկոլը ոչ ոքի չէր զգուշացրել և փաստացի 120 հազար հայերի գերության մեջ թողեց՝ հոգ չտանելով նրանց կարգավիճակի մասին հարազատ հողում։ Իհարկե, Փաշինյանը, մանիպուլյատոր է, նա հստակ հասկանում է, ինչ է ասում։ Ավելի հեշտ է մատնացույց անել խեղճ Շահրամանյանին և կեղծ փաստաթղթին, որը ոչինչ չարժե։ Չէ որ Նիկոլը չի խոստովանի հակահայկական դավադրությունը և այն, որ Ալիևի հետ միասին վաղուց փակել է Արցախի հարցը։

Հետաքրքիր է, թե ընդհանրապես ինչպե՞ս այդպիսի խարդախն ու խաբեբան կարող է Հայաստանի բնակիչներին անվտանգություն երաշխավորել։ Փաշինյանը արդեն հանձնել է Արցախը, նրա օրոք մեր երկիրը արդեն կորցրել է ավելի քան 900 հեկտար հող Բերքաբերի, Արծվաշենի, Իշխանասարի, Ջերմուկի հատվածում, Սոտքի հողատարածքները՝ Խոզնավար և Սև լճի և այլն։ Ընդհանուր առմամբ այդ տարածքը Երևանից մե՜ծ է։ Կպահանջի՞ արդյոք Նիկոլը այդ հողերը Ալիևից։ Ինչ-որ կերպ կարձագանքի՞ Բաքվի ոչ բարեկամական քայլերին։ «Մենք ոչ մի տեղ չենք գնա, ոչ մի քայլ չենք հեռանա ոչ 2021 թվականի մայիսին, ոչ 2022 թվականի սեպտեմբերին գրաված դիրքերից»։ Բացի այդ, նա Ջերմուկը ադրբեջանական քաղաք անվանեց, իսկ Նիկոլը և նրա ողորմելի ԱԳՆ-ն ի պատասխան ոչ մի բառ չասացին։ Այդպիսի ղեկավարության հետ մեր երկիրը կշարունակի տարածքներ կորցնել և փչացնել հարաբերությունները գոյություն ունեցող գործընկերների հետ, բայց չի կարողանա նորերին գտնել։ Արդյունքում, Հայաստանը կարող է դեմ առ դեմ մնալ իր թշնամիների հետ։