Նիկոլի ոստիկանական պետությունը

Մայիսի 31-ին ԱԳՆ-ի շենքի մոտ ձերբակալված բոլոր 27 մարդկանց երեկ բաց են թողել։ Խաղաղ ակցիայի մասնակիցներին երեք օր պահել են կալանքի տակ, բայց այսպես էլ որևէ մեղադրանք չեն ներկայացրել։

Այժմ արդեն ակնհայտ է, որ ԱԳՆ-ի շենքի մոտ հրմշտոցը սարքել են քաղաքացիական հագուստով սադրիչ ոստիկանները, ինչը իրավապահների համար ցուցարարներին կոշտ ուժի կիրառմամբ ձերբակալելու առիթ է դարձել։ Կարմիր բերետավորները ձերբակալել և ծեծել են լրագրողների և հոգևորականների։

Գործող իշխանությունները այնքան համոզված են իրեն անպատժելիության մեջ, որ թույլ են տալիս ոստիկաններին առավելագույն ագրեսիվ կերպով արձագանքել խաղաղ ցուցարարների գործողություններին։ Ոստիկանների կողմից ծեծված Դանիել սարկավագը նշել է ոստիկանների ոչ միայն դաժան, այլ նաև ծաղրական վերաբերմունքի մասին։ «Մտքովս չէր անցնում, որ հոգևորականին կարող են մատով կպնել կամ վատ արտահայտություններ անեն, բայց պարզվում է, որ ստի ու կեղծիքի այս իշխանությունն ամեն ինչի պատրաստ է։ Ծեծում էին «հայր սուրբ, հայր սուրբ» ասելով։

Իրավապաշտպան և փաստաբան Ռուբեն Մելիքյանը նշում է, որ Երևանի քաղաքային վարչությունը, ինչպես նաև ներքին զորքերը (կարմիր և սև բերետները) դաժան, կոպիտ և ոչ համեմատական ուժ են կիրառել, նա ենթադրում է, որ Նիկոլ Փաշինյանը նրանց թույլ է տվել խաղաղ ակցիայի ժամանակ անպատիժ գործողություններ իրականացնել քաղաքացիների, լրագրողների, ընդդիմադիր պատգամավորների դեմ։

Քաղաքագետ և լրագրող Արման Աբովյանը նշում է, որ Փաշինյանը Արևմուտքից քարտ-բլանշ է ստացել ժողովրդի նկատմամբ մասսայական ահաբեկչության վերաբերյալ և որ դա արվում է այսպես կոչված ժողովրդավարական աշխարհի լռության ներքո. «Ինչքան էլ որ ցինիկաբար է հնչում, դա նորմալ է «ռեալ քաղաքական գործիչ» տեսանկյունից, քանի որ քանի դեռ Փաշինյանի իշխանությունը ամերիկացիների և եվրոպացիների շահերի համատեքստում առաջ է տանում Թուրքիայի և Ադրբեջանի շահերը, միջազգային հանրությունը անտարբեր նայելու է Հայաստանում կատարվող անօրինություններին»։ Դժվար է փորձագետի հետ չհամաձայնել, չէ որ համարյա բոլոր արևմտյան կառույցները չեն նկատում մեր երկրում ոստիկանության իրականացրած դաժան գործողությունները։

Ոստիկանական ռեժիմի գագաթնակետը դարձավ, երբ Հայաստանի պատմության մեջ առաջին անգամ ոստիկանությունը փորձում էր Ամենայն Հայոց Կաթողիկոս Գարեգին II-ին խանգարել Հանրապետության օրվա կապակցությամբ այցելել Սարդարապատի հուշահամալիր։

Այս ամբողջ ընթացքում բռնության կիրառման համար ոչ մի ոստիկան պատասխանատվության չի ենթարկվել։ Ինչպես նշել է բողոքի շարժման առաջնորդ Բագրատ Սրբազանը. «Երբ Աստված մարդուն ուզում է պատժել, խելքը վերցնում է։ Այս իշխանությունները ո՛չ կենսագրություն ունեն, ո՛չ խելք»։ Նշանակում է, նրանց օրերը հաշված են։