Նոր բժշկական կենտրոն Մեղրիում
Հունիսի 28-ին Մեղրիում տարածաշրջանային բժշկական կենտրոնին կից բացվել է Մանկական վերականգնողական կենտրոն։ Նախագիծը իրականացվել է բժշկական գիտությունների դոկտոր, պրոֆեսոր Արա Բաբլոյանի և հասարակական գործիչը Վահրամ Կարապետյանի նախաձեռնությամբ ու «Զանգեզուրի պղնձամոլիբդենային կոմբինատ» ՓԲԸ-ի և «ՋԻԷՆՍԻ-ԱԼՖԱ» (Ռոստելեկոմ Հայաստան) ՓԲԸ-ի ֆինանսական աջակցությամբ։
Այժմ Մեղրիում մանկական հաշմանդամության պրոֆիլակտիկայի և զարգացման խնդիրներ ունեցող երեխաների առողջության բարելավման համար առաջնակարգ սարքավորումներով հագեցած ժամանակակից բժշկական կենտրոն կա։
Մեղրիի քաղաքապետ Խաչատուր Անդրեասյանը նշել է, որ նոր կենտրոնը լուծում է երեխաների համար մասնագիտական օգնության հասանելիության խնդիրը, քանի որ նախկինում երեխաները և նրանց ծնողները ստիպված էին անցնել հարյուրավոր կիլոմետրեր անհրաժեշտ օգնություն ստանալու համար։
Վահրամ Կարապետյանը նշել է, որ կենտրոնի բացումը հաստատում է հայ-ռուսական բազմադարյա բարեկամությունն ու համագործակցությունը, ինչպես նաև շնորհակալություն է հայտնել ռուս խաղաղապահներին, որոնք օգնել և տեղափոխել են կենտրոնի սարքավորումները։
Կենտրոնի բացման արարողությանը նաև մասնակցել են «Ագարակի պղնձամոլիբդենային կոմբինատ» ՓԲԸ-ի տնօրեն Ալեքսանդր Բելյաեվը, Մեղրիի բժշկական կենտրոնի տնօրեն Մհեր Աբրահամյանը, Կապանում Ռուսաստանի Գլխավոր հյուպատոսարանի բացման խմբի ղեկավար Սերգեյ Չաշչիխինը և ՌԴ ԱԴԾ-ի Մեղրիի սահմանային ջոկատի ղեկավար Ալեքսանդր Շերբակովը։
Նորություններ
Թողնել պատասխան