Նվազեցվել է անտուրք ներկրվող ապրանքների ծավալը

Կառավարության որոշմամբ ցամաքային սահմանով ներկրվող անտուրք ապրանքների ծավալը 500-ից նվազեցվել է մինչև 200 եվրո և 25 կգ-ից մինչև 10 կգ։ Փոստային ծանրոցների համար 1000 եվրոյից նվազեցվել է մինչև 200 հազար դրամ, քաշը անփոփոխ է մնացել` 31 կգ։ Այդ միջոցները կիրառվում են մաքոքային առևտրից խուսափելու համար։

Օդային տրանսպորտի ուղևորների համար անտուրք ներկրվող ապրանքների ծավալը նույնն է մնացել. 10 հազար եվրո և 50 կգ (բայց գործում են սահմանափակումներ ապրանքի քանակի վերաբերյալ)։ Անտուրք ապրանքների ծավալը գերազանցելու դեպքում պետք է վճարել ծանրոցի գնի 15%-ի չափով, բայց 2 եվրոյից ոչ պակաս ամեն ավել կիլոգրամի համար, իսկ ներկրվող ապրանքների համար ստիպված կլինեն վճարել արժեքի 30%-ը (4 եվրոյից ոչ պակաս)։