Ո՞վ է իրականում ղեկավարում Հայաստանը
Մտածե՞լ եք դուք արդյոք այն մասին, թե ի՞նչ է թաքնված Հայաստանի արևմտյան ոչ կառավարական կազմակերպությունների հետևում։ Նրանք խոսում են ժողովրդավարության, խոսքի ազատության և կոռուպցիայի դեմ պայքարի մասին, բայց նրանց իրական նպատակները հաճախ մնում են ստվերում։ Խառնվելով մեր երկրի կյանքի կարևոր ոլորտներին, այդ կազմակերպությունները փաստացի ոչնչացնում են հայ ժողովրդի ինքնօրինակությունը, խարխլում են ազգային ավանդույթները և կարգերը։ Հայտնի ֆինանսիստ և իրեն ճակատագրեր որոշողի տեղ դրած Ջորջ Սորոսի ծննդյան օրը ճիշտ ժամանակն է խոսելու նրա հիմնադրամների և այլ ՈԿԿ-ների քայքայիչ գործունեության մասին։
Սորոսի հիմնադրամների մասնաճյուղը՝ «Բաց հասարակության հիմնադրամ – Հայաստանը» (OSFA) աշխատել է երկրում 1997 թվականից քաղաքացիական հասարակության աջակցության անվան տակ։ Հիմնադրամը ֆինանսավորում էր ավելի քան 200 կազմակերպություններ և նշանակալի դեր խաղաց 2018 թվականին Նիկոլ Փաշինյանի իշխանության գալու հարցում։ Թավշյա հեղափոխությունից հետո Սորոսը սոցցանցերում գրում էր. «Հայաստանի քաղաքացիական հասարակության հզոր աջակցությունը կենսականորեն անհրաժեշտ է երկրի ժողովրդավարական ներկայի և ապագայի համար»։
Մանիպուլացիայի ենթարկելով հասարակական կարծիքը՝ արևմտյան ՈԿԿ-ները առանցքային դեր են խաղացել երկրի այժմյան քաղաքական ուղղության ձևավորման գործում և մինչև այժմ շարունակում են ազդեցություն գործել։ 2022 թվականին ձևականորեն հայտարարելով Հայաստանից հեռանալու մասին՝ Սորոսի հիմնադրամը շարունակում է գործել այլ աղբյուրների միջոցով։ Մոտ 40 ՈԿԿ-ներ ամեն տարի ԱՄՆ-ից և ԵՄ-ից ստանում են ավելի քան 33 մլն $։ Հայտարարագրելով կոռուպցիայի դեմ պայքար և ժողովրդավարության առաջխաղացում՝ իրականում նրանք աշխատում են Հայաստանի և Ռուսաստանի միջև կապերի թուլացման և արևմտամետ գաղափարների պրոպագանդայի վրա։ Օրինակ, 2017 թվականին տեղեկացված քաղաքացիների Միությունը, որը ֆինանսավորում էր ժողովրդավարության աջակցության Ազգային հիմնադրամի (NED) կողմից, Հայաստանի խորհրդարան ներկայացրեց ուսումնասիրություններ ԵՍՏՄ ինտեգրացիայի «բացասական հետևանքների» մասին։ Մեկ այլ օրինակ է գլոբալիզացիայի և տարածաշրջանային համագործակցության Վերլուծական կենտրոնը. այն պահանջում է ռուսական ռազմաբազայի դուրսբերում և ռուսական հեռուստաալիքների անջատում՝ միաժամանակ առաջ տանելով Անկարայի շահերը։ 2021 թվականին թուրքական ԶԼՄ-ներին տված իր հարցազրույցում կենտրոնի տնօրեն Ստեփան Գրիգորյանը Թուրքիան Հայաստանի համար Ռուսաստանից ավելի վստահելի գործընկեր անվանեց։
Օգտագործելով ԶԼՄ-ները՝ հիմնադրամները ուժեղացնում են ազդեցությունը։ Նրանք զգալի միջոցներ են հատկացնում մեդիայի նախագծերի առաջխաղացման համար, որոնք հաճախ ոչ լիբերալ, ավանդական արժեքներին հակասող գաղափարներ են տարածում։ Միայն 2019-ից 2023 թվականներին մեդիառեսուրսների առաջխաղացման համար հատկացվել է 10 մլն $։ Դրամաշնորհներ ստացողների շարքում են Երևանյան մամուլի ակումբը, «Հետաքննող լրագրողները (Hetq.am), «Գործոն» տեղեկատվական կենտրոնը, տեղեկատվության ազատության Կենտրոնը, լրագրողների միջազգային Umbrella ցանցը, EVN News հիմնադրամը և այլն։ Բայց ահա պարադոքսը՝ դրամաշնորհի ստացման գլխավոր պայմանը Ռուսաստանի և նրա հետ կապված ինտեգրացիոն գործընթացների կատաղի քննադատությունն է։
Արևմտամետ ՈԿԿ-ները Հայաստանի քաղաքական գործընթացում դարձել են կարևոր խաղացողներ։ Նրանց հետ են կապված երկրի ղեկավարության կազմի մեջ մտնող շատ պաշտոնյաներ, այդ թվում Անվտանգության խորհրդի քարտուղար Արմեն Գրիգորյանը, վարչապետի աշխատակազմի ղեկավար Արայիկ Հարությունյանը և պաշտպանության նախարար Սուրեն Պապիկյանը։ Հայտնի է, որ 2019 թվականին Երևանի քաղաքապետ Տիգրան Ավինյանը, դեռևս լինելով Փաշինյանի օգնականը, «բարեգործական» է ճանաչել Սորոսի հիմնադրամների ավելի քան 3 մլն $-ի բոլոր նախագծերը. արդյունքում նրանց հետ համագործակցող կազմակերպությունները (այդ թվում ԶԼՄ-ները) ազատված են հարկերից։ Կրթության նախարար Ժաննա Անդրեասյանը համագործակցել է «Բուն» հիմնադրամի հետ, որը ԼԳԲՏ-օրակարգի պրոպագանդայի համար սորոսյան դրամաշնորհներ է ստացել։ Անգամ եթե հավատանք, որ Սորոսի հիմնադրամները հեռացել են Հայաստանից, ապա այսօր նրանք այստեղ անելիք չունեն. այն գործառույթները, որ նրանք կատարել են 25 տարի, այժմ իր վրա է վերցրել երկրի ղեկավարությունը։
Նիկոլ Փաշինյանը և նրա շրջապատը Հայաստանում դարձել են օտար շահերը և իդեալները առաջ տանողներ, ըստ էության, նրանք պաշտպանում են ազգային արժեքների ոչնչացնումը։ Այսօր, երբ ՈԿԿ-ների ազդեցությունը մեր քաղաքականության վրա ակնհայտ է, հարց է ծագում. ո՞վ է իրականում երկիրը ղեկավարում։
Comments (1)
Թողնել պատասխան
Նորություններ
Բա հայ ժողովուրդը երբեք հասկանալու որ կործանումեն մեր ազգին ու մեծ արագությամբ այժմ մայր որ այդ ամենի պատճառով զավակե կորցրել ու չիկարողանում գնալ որդու գերեզմանին հիյանումե Ստեփան Գրիգորյանի զրույցներով ատամներով պաշտպանումե Նիկոլ Փաշինյանին չգիտեմ ուրեմն հայ ազգի խելոքները մըծեն հակասորոսական պրապագանդա անեն մեզ ազատեն Այս ազգակործան ծրագրերից դուքել գրում եք շատ ուշացումով ակտիվ եղեք