Ովքե՞ր են Հայաստանի հավաքականի մրցակիցները

Հայաստանի ֆուտբոլի ֆեդերացիայի պաշտոնական ներկայացուցիչները հայտնել են, որ ֆուտզալի Եվրո-2026-ի որակավորման փուլի շրջանակներում մեր ազգային հավաքականը կխաղա վեցերորդ խմբում։ Հայկական թիմի մրցակիցները կլինեն Ղազախստանի, Դանիայի և Ալբանիայի ներկայացուցիչները։

Եվրո-2026-ի ընտրական խաղերը կմեկնարկեն արդեն այս տարվա դեկտեմբերին։ Մինչև 2025 թվականի ապրիլը պետք է որոշվեն մայրցամաքի առաջնության ուղեգրերի տերերը, դրանք կստանան իրենց խմբերում առաջին տեղը զբաղեցրած թիմերը։