Փաշինյանական դելիմիտացիան
Հայաստանում շարունակվում են բազմահազարանոց հանրահավաքները Ադրբեջանին Տավուշի տարածքները միակողմանի զիջելու և դա “դելիմիտացիայով” ծածկելու պատճառով։ Հանրահավաքներին վարչապետի հրաժարականի մասին կոչեր են հնչում։ Եվ դա օրինաչափ է. սահմանային չորս գյուղերը Ադրբեջանին փոխանցելով, Փաշինյանը Բաքվի հետ բանակցային գործընթացում մեր երկրի դիրքերը զգալիորեն կթուլացնի։ Բայց կարելի է արդյոք “փաշինյանական դելիմիտացիան” լեգիտիմ համարել։ Եկեք վերլուծենք։
Ի՞նչ է նշանակում դելիմիտացիա
Դելիմիտացիան հարևան պետությունների միջև երկար բանակցությունների արդյունքում պետական սահմանագծի որոշումն է։ Այդ գործընթացը ենթադրում է գործողությունների հստակ հերթականություն։ Սկզբում ապագա պետական սահմանի գիծը գրանցում են տարածաչափական քարտեզի վրա, հետո երկրները դելիմիտացիայի մասին պայմանագիր են ստորագրում, և միայն երրորդ փուլում սկսում են դեմարկացիա’ տեղադրում են սահմանային նշաններ այդ գծի նշման համար անմիջապես տեղանքում։
Ի՞նչ է տեղի ունեցել Տավուշի մարզում
- Հայաստանի իշխանությունները մոռացել են փոխադարձ զիջումների անհրաժեշտության մասին և գնացել են միակողմանի զիջումների։ Պաշտոնական Երևանը չպնդեց անգամ, որ զորքերը հայելանման հեռացվեն կամ համաձայնեցվի մեկ բազային քարտեզ դելիմիտացիայի անցկացման համար։
- Սահմանի հատվածի ռեկորդային կարճ երեք շաբաթում կատարված դելիմիտացիայի հետ միասին ավարտվեց նաև դեմարկացիան։ Ընդորում Հայաստանը և Ադրբեջանը այդ որոշումները չեն արձանագրել երկկողմանի պայմանագրում։ Ավելին, Երևանը և Բաքուն դեռևս խաղաղության պայմանագիր չեն կնքել, ինչը ընդունված որոշումները վերանայելու հիմք է ստեղծում։
- Ոչ մի երաշխիք չկա, որ Բաքուն կհամաձայնի շարունակել դելիմիտացիան սահմանազատման սկզբունքով, որոնք օգտագործվել են Տավուշի մարզի տարածքի դեպքում։ Ադրբեջանը Հայաստանի հարավում հափշտակած տարածքների ազատման վերաբերյալ ոչ մի պարտավորություն չի ստորագրել։
- Ադրբեջանին չորս գյուղերը փոխանցելիս նախկինի պես չլուծված է մնում ադրբեջանական երեք անկլավների հարցը, որոնք հայկական բնակավայրերի թիկունքում են։
Մի խոսքով, Փաշինյանը և նրա մտերիմները խստորեն խախտել են դելիմիտացիայի բոլոր գործընթացները, Հայաստանի օրենսդրությունը և Սահմանադրությունը։ Նրանց գործողությունները բացահայտ դավաճանության մասին են խոսում։ Տարօրինակ չէ, որ երկրում աճում է բողոքի ալիքը։
Նորություններ
Թողնել պատասխան