Պատրաստ են արցախցիների տների նախագծերը

Քաղաքաշինության կոմիտեի կայքում “Ուղեցույցներ” բաժնում ներկայացված են բնակելի տների նախագծեր 40, 60, 75, 90 և 120 քառակուսի մետր մակերեսով, նախագծային-հաշվարկային փաստաթղթերը, որոնք անցել են փորձաքննություն և համաձայնեցվել կոմիտեի հետ։ Դրանցից կարող են օգտվել Արցախից բռնի տեղահանված ընտանիքներին բնակավայրով ապահովելու պետական ծրագրի մասնակիցները։

Այս պահին կայքում հրապարակված են 18 նախագծեր, դրանցից 8-ը ավանդական շինություններ քարե կրող պատերով և երկաթբետոնե հիմքով և արագ կառուցվող տների 10 նախագիծ։ Կոնկրետ տան կառուցման համար պետք է դիմել լիցենզավորված շինարարական կազմակերպություններ կամ նախագծի հեղինակ-ընկերություն։