Ռեպրոդուկտիվ ծրագրերը հասանելի կդառնան

Երկրի ղեկավարությունը փոփոխություններ է կատարել անպտղության հաղթահարման պետական ծրագրերի մեջ։ Այդ ծրագրին մասնակցող կանանց տարիքային շեմը բարձրացվել է 36-ից մինչև 40։ Ինչպես նաև այժմ Հայաստանի քաղաքացիների հետ մեկտեղ ծրագրին կարող են մասնակցել Արցախից բռնի տեղահանվածները։

Երկրորդական անպտղության դեմ պայքարի ծրագրից այժմ կարող են օգտվել ոչ միայն սահմանամերձ տարածքների բնակիչները, այլ նաև երկրի բոլոր քաղաքացիները։ Առողջապահության նախարար Անահիտ Ավանեսյանի խոսքով 2019-ից մինչև 2024 թվականները ռեպրոդուկտիվ ծրագրերի շրջանակներում ծնվել է 691 երեխա։