Թաթոսը նոր կոչում է ստացել

Երևանի քաղաքապետ Տիգրան Ավինյանը Հայաստանի ժողովրդական նկարիչ Հրանտ Թադևոսյանին, ով հայտնի է Թաթոս կեղծանունով, շնորհել է «Երևան քաղաքի մշակույթի վաստակավոր գործչի» կոչում կերպարվեստի զարգացման մեջ ունեցած զգալի ավանդի համար։ Ավինյանը նշել է նկարչի աշխատանքների բազմաժանր լինելը և դրանց գունային գաման, որոնց մեջ զգացվում է ստեղծագործության շունչը։

Հրանտ Թադևոսյանը ավարտել է Խաչատուր Աբովյանի անվան պետական մանկավարժական համալսարանի էսթետիկայի ֆակուլտետը։ 2008 թվականից նա դասավանդում է Հայաստանի Ճարտարապետության և շինարարության ազգային համալսարանում և վաստակավոր պրոֆեսոր է։ Նրա նկարները ցուցադրվել են ոչ միայն Հայաստանում, այլ նաև դրա սահմաններից դուրս։