Թեթև աթլետիկայի նոր մեդալները

Հայաստանի թեթև աթլետիկայի հավաքականը Գիբրալթարում տեղի ունեցած Եվրոպայի փոքր երկրների առաջնությանը հրաշալի արդյունքներ է ցույց տվել։ Վազորդ Երվանդ Մկրտչյանը 500 մետրանոց վազքում զբաղեցրել է առաջին տեղը, իսկ 1500 մետրանոց վազքում դարձել է երկրորդը։ Էլլադա Ալավերդյանը բոլորից լավ է վազել 800 մետրանոց հեռավորությունը և դարձել է ոսկե մեդալակիր։ Գոռ Հովակիմյանը հեռացատկում 7, 59 մետր արդյունք է ցույց տվել և գրավել է երկրորդ տեղը։

Բացի այդ, բրոնզե մեդալ են նվաճել Յանա Սարգսյանը հեռացատկում, Գայանե Չիլոյանը վազքում և Միլենա Գրիգորյանը 400 մ վազքում։ Նաև Հայաստանի կանանց հավաքականը երրորդ տեղն է գրավել փոխանցավազքում։