Տղամարդ ուսուցիչների թիվը ավելացել է

Հայաստանի կրթության, գիտության, մշակույթի և սպորտի նախարար Ժաննա Անդրեասյանը հայտնել է, որ նոր ուսումնական տարում նոր ուսուցիչների 16%-ը կազմել են տղամարդիկ։ Նա նշել է, որ դա դրական տեղաշարժ է, քանի որ առաջ այդ ցուցանիշը զգալիորեն ցածր էր։

Նաև Անդրեասյանը հայտարարել է, որ դպրոցներում այժմ աշխատում են մոտ 500 արցախցի ուսուցիչ։ Նոր կարգի շնորհիվ նրանց մրցույթից դուրս հնարավորություն է տրվում աշխատանքի տեղավորվել, ինչպես նաև տրվում են 30% լրավճարներ մարզային դպրոցներում աշխատելու դեպքում։